Mungesa e borës këtë sezon dimëror në malet e Italisë, po e rrezikon seriozisht vendin me një stinë vere tepër të thatë, ndër më të këqiat e saj. Lumi më i madh i vendit është tashmë në nivelet më të ulëta, sesa ishte verën e kaluar, me fushat e dëborës dimërore që normalisht e shpëtojnë atë nga tharja gjatë muajve të ngrohtë, e janë ulur me 75%, sipas agjencisë së klimës dhe mjedisit në Bolzano. “Për disa ditë do të më duhet të anuloj të gjitha rezervimet për lundrimet tona në lumin Po, për shkak të ujit të cekët”, tha kapiteni Giuliano Landini, i anijes “Stradivari”, të ankoruar nën Boretto. Anija e tij e gjatë 60 metra (196 këmbë) transportonte deri në 400 njerëz edhe në ujëra të cekëta, por shkalla e rrjedhës së lumit është vetëm 350 metra kub në sekondë, aq e ulët sa qershorin e kaluar, kur kushtet ishin disa nga më të nxehtat dhe më të thatat në 70 vitet e fundit. Lundrimi së shpejti do të bëhet i pamundur, nëse reshjet e bollshme nuk arrijnë së shpejti, teksa vera po afron.
Lumi Po, me gjatësi 652 kilometra (405 milje) – i cili rrjedh nga qyteti veriperëndimor i Torinos në Venecia në bregun lindor – përshkon pjesën më të dendur të populluar, shumë të industrializuar dhe më intensive të vendit të Italisë.
