Kryetari i PEISH dhe kandidati për deputet i PD-ASHM, Rivelino Çuno ishe këtë të shtunë në “Now” në Euronews Albania ku tha se nuk do të ketë një ankimim të numërimit të votave dhe se ky është sipas tij një pakt i PS dhe PD.
Ai vetë u shpreh se do të ishte nga ata që do të ankimonin këtë numërim, por kjo do të ishe “lodhje e tepërt”.
“Në njësinë katër unë bëra takim me 800 veta dhe kam marr 34 vota. Kjo nuk ndodh kurrsesi. Votat e mia kanë shkuar atje ku ata kanë menduar ti çojnë.
E dija që do ndodhte kjo sepse është krim brenda llojit dhe ka pasur si nga e majta edhe nga e djathta, por nuk jemi këtu për të shpalosur këtë. Çështja është te krimi zgjedhor.
Unë jam ndaluar të kryej takim me anëtarët e komunitetit te banesat sociale. Ne jemi shtet i izoluar dhe lëvizim kur shikojmë hapësira ku nuk cenohemi, por ky muhabet nuk duhet të iki, se ka prova. Ka persona të ndaluar, të proceduar”,-tha Çuno.
