Sipas një studimi të ri, moti i ashpër dhe, rritja e temperaturave ka të ngjarë të shkaktojë probleme për prodhimin e kafesë në mbarë botën.
Studiuesit analizuan efektet e faktorëve klimatikë si temperatura, reshjet dhe lagështia në 12 vende kryesore prodhuese të kafesë në të gjithë botën midis viteve 1980 dhe 2020.
Sipas studimit përkatës, të publikuar në revistën PLOS Climate, kushtet e rritjes së kafesë nuk janë aq të mira sa vitet e mëparshme për shkak të ngjarjeve gjithnjë e më intensive të motit.
Ndryshimet klimatike parashikohet të përgjysmojnë zonat e kultivimit të kafesë në botë.
Temperaturat optimale të rritjes për dy varietetet kryesore të kafesë, arabica dhe robusta, janë 18°C deri në 22°C dhe 22 deri në 28°C .
Studiuesit zbuluan se midis viteve 1980 dhe 2020, zonat e mbjella nuk ishin aq të prekura nga temperaturat e ftohta. Megjithatë, ata theksojnë se temperaturat jashtëzakonisht të ulëta tani po prekin shumicën e rajoneve prodhuese të kafesë.
Të korrat e kafesë mund të përgjysmohen deri në vitin 2050
“Me parashikimet e ndryshimeve klimatike që tregojnë se ka të ngjarë një rritje e vazhdueshme e temperaturave në tropikët, ne besojmë se do të ketë probleme në prodhimin e kafesë”, thonë ekspertët.
Hulumtimet e mëparshme kanë treguar se sipërfaqja e tokës e përshtatshme për rritjen e kafesë në mbarë botën mund të përgjysmohet deri në vitin 2050 për shkak të ndryshimeve klimatike. Nëse kjo ndodh, atëherë ekspertët besojnë se rritja e çmimit të kafesë është i pashmangshëm.
Vihet re se 12 prodhuesit kryesorë të kafesë përfaqësojnë afërsisht 90% të prodhimit global. Këto vende përfshijnë Brazilin, Perunë, Meksikën, Ugandën, Etiopinë, Vietnamin dhe Indonezinë.
j.l./ dita
