Deputeti i PD-së, Flamur Noka ka qëndruar përreth 1 orë në SPAK, ku ka bërë denoncime për zgjedhjet lokale të 14 majit.
Pas daljes nga SPAK, në një deklaratë për mediat, ai theksoi se “do më shihni shpesh në këto dyer për të bërë denoncimet” për ato që i quajti një “farsë elektorale”.
Ai tha se në Prokurorinë e Posaçme, ka “denoncuar përdorimin e parave publike nga disa kryetarë për blerje vote dhe devijim të vullnetit të zgjedhësve”, konkretisht atë të Vaut të Dejës, bashkisë Krujë dhe Vorë.
Deklarata për mediat:
Flamur Noka: Kemi denoncuar përdorimin e parave publike nga disa kryetarë për blerje vote dhe devijim të vullnetit të zgjedhësve.
Konkretisht bashkia e Vaut të Dejës, u denoncua një nga aferë në lidhje me një shifër të frikshme për landfillin, shifër që sipas burimeve tona ka qenë e likuiduar njëherë nga bashkia dhe është ripaguar në funksion të fushatës elektorale. Për të denoncuar aktivitetin antiligjor të kryetarit të bashkisë Krujë dhe Vorë, të cilët sipas informacioneve tona, përdorën fondet e tërmetit.
20 vite po të rrinë në pushtet do të paguajnë çdo fushatë para tërmeti dhe abuzimin me fondet e ndihmës ekonomike, duke bërë pagesa në bankë e në dorë, në kundërshtim me ligjin pas kanë përfshirë në fondet e tërmetit persona që nuk u takon me ligj. Detyra jonë është dhe do ta vazhdojmë të denoncojmë farsën elektorale, blerjen dhe manipulimin.
Keni kallëzime të tjera?
Flamur Noka: Janë shumë kallëzime, do më shihni shpesh në këto dyer për të bërë denoncimet.
Janë regjistruar si procedime penale apo janë në fazën e verifikimeve?
Flamur Noka: Janë çështje që janë regjistruar, uroj të shkohet deri në fund dhe të mos ketë urdhër politik për të mos i mbyllur.
SPAK do të vazhdojmë ta akuzojmë. Organet e drejtësisë kanë një mundësi për të provuar veten që të dalin jashtë xhepit të qeverisë.
j.l./ dita
