Kryeministri Edi Rama, në rubrikën “Sy më Sy” në Facebook, iu përgjigj komentuesve lidhur me besimin e tij se Shqipëria do të bëhet pjesë e Bashkimit Europian, ndërsa theksoi se detyra e tij është tu jap shqiptarëve pasaportën e BE.
Ai theksoi se arsyeja e këtij besimi është situata aktuale në Evropë, e cila kërkon të zgjerohen dhe të përfshijnë vendet e Ballkanit Perëndimor, përfshirë këtu Shqipërinë.
“E kam besimin sepse për këtë më keni zgjedhur me dhe më paguani për arsyet e këtij besimi. Arsyet janë ato që sheh edhe ti, është edhe situata që është në Evropë. Evropa kërkon të zgjerohet dhe duhet t’i kesh dëgjuar që me vetë gojën e komisioneres së Zgjerimit, Evropa thotë që deri në 2027 duhet të mbyllim negociatat me Shqipërinë, kjo nuk ka bërë vaki ndonjëherë”, tha ai.
Kryeministri theksoi se Serbia, e cila ka hapur negociatat në vitin 2014, është pas Shqipërisë në këtë proces.
Ai ftoi qytetarët që më 11 maj të votojnë për Partinë Socialiste, duke e cilësuar këtë si një mundësi për të finalizuar negociatat dhe për të siguruar anëtarësimin deri në vitin 2027.
“E kam besimin sepse për këtë më keni zgjedhur me dhe më paguani për arsyet e këtij besimi. Arsyet janë ato që sheh edhe ti, është edhe situata që është në Evropë. Evropa kërkon të zgjerohet dhe duhet t’i kesh dëgjuar që me vetë gojën e komisioneres së Zgjerimit.
Evropa thotë që deri në 2027 duhet të mbyllim negociatat me Shqipërinë, kjo nuk ka bërë vaki ndonjëherë. Mali i zi ka që në 2012 që i ka hapur negociatat dhe nuk ka hyrë akoma, ne tani jemi krahë për krah. Serbia që i ka hapur më 2014, është mbrapa nesh.
Me 11 maj e ndajmë këtë punë, nëse ka një votë plebishitare për të hyrë në BE, do të jetë shumë më e lehtë për ne. Ne mbarojmë negociatat në 2027, duhet të vrapojmë jo të ndahemi. Nuk duhet të luhatemi majtas apo djathtas, shko drejtë, te numri 5 në fletën e votimit. Vër shënimin dhe jemi në rregull dhe detyrimi ynë është të të japin ty pasaportën e BE dhe shqiptarëve”, tha Rama.
j.l./ dita
