Rithemelimi është i gatshëm të bashkëpunojë me grupin e Alibeaj në lidhje me përdorimin e vulës së PD në zgjedhje dhe daljen në zgjedhje e kandidatë të përbashkët.
Por sekretari i përgjithshëm në PD Flamur Noka thotë se ka 2 kushte që ky bashkëpunim të kryhet.
“Nuk ka refuzim për bashkëpunim me grupimin tjetër. Basha dhe Alibeaj që i shërbejnë Edi Ramës dhe rrënimit të opozitës dhe që janë në shërbim të likuidimit të PD, të jenë pjesë e këtij procesi. Kushdo tjetër nga kolegët tanë deputetë është i mirëpritur.”- tha Noka.
I pyetur se pse nuk po gjendet gjuha e bashkëpunimit, Noka tha se disa prej tyre janë në shërbim të pengjeve.
“Përsa kohë kolegët e tjerë rrinë nën çadrën e Bravës (Basha) dhe Alibashës (Alibeaj), e them me keqardhje, por ata vazhdojnë të jenë në shërbim të pengjeve. Kjo gjë duhet ndarë. Pastaj mendim ndryshe, mendim kundër, PD është e hapur”, tha Noka gjatë një interviste televizive.
Për grupimin e drejtuar nga zoti Berisha regjistrimi në zgjedhje i siglës së PD me autorizimin e Lulzim Bashës është tregues i qartë i mbajtjes peng të PD për llogari të Edi Ramës.
“Është e paprecedentë, kur një kryetar partie jep dorëheqjen dhe autorizon partinë për t’u regjistruar në zgjedhje. Ky është veprim prej pengu”- tha Sekretari i Përgjithshëm i PD, të drejtuar nga zoti Berisha, Flamur Noka.
