Prej më shumë se 30 minuta ka nisur mbledhja e kryesisë së Partisë Socialiste e cila po zhvillohet në selinë e PS-s. Mbledhja drejtohet nga kryeministri Rama dhe pritet që të zgjedhë listën përfundimtare të ekipit socialist në zgjedhjet lokale të 14 majit.
Mes emrave të kandidatëve për kryebashkiakë është dhe ai që do të zëvendësojë kryebashkiakun e arrestuar të Bulqizës, Lefter Alla, po ashtu pritet emër i ri për bashkinë Librazhd, Kuçovë e Dimal që nuk janë vendosur ende.
Mbetet për kryesinë për të zgjedhur se kush do të garojë në Himarë, nëse do të kemi një rikandidim të kryebashkiakut aktual, po ashtu do të vendoset nga kryesia edhe për Divjakën ndërsa sa i përket bashkive të tjera rreth 80% do të garojnë sërish.
Nga informacionet nga Vlora dy deputetë të këtij qarku kanë ambicien për të kandiduar për zgjedhje dhe deri diku kishin filluar fushatën, por kjo nuk është pëlqyer nga Rama dhe prandaj ai vendosi që sot të mblidhet asambleja për të votuar dy propozime, atë të Fate Veliajt që ka marrë vetëm 50 vota dhe kandidatura tjetër, ambasadori në Arabinë Saudite, Ermal Dredha që ka marrë 199 vota, kështu që do të jetë ai që do të përfaqësojë PS-në në Vlorë.
m.b./dita
