Komisioni Qendror i Zgjedhjeve ka reaguar pasi kandidati i ‘Bashkë Fitojmë’ theu heshtjen zgjedhore.
KQZ kërkon që të respektohet heshtja zgjedhore dhe solemnitetin e ditës së votimit.
Sipas KQZ-së sot është dita e qytetarëve që kanë të drejtën e zgjedhjes dhe deklaratat politike cenojnë standardet e procesit zgjedhor dhe janë në shkelje të dispozitave të Kodit Zgjedhor.
REAGIMI:
Komisioni Qendror i Zgjedhjeve tërheq vëmendjen e përfaqësuesve politik dhe kandidatëve që të respektojnë heshtjen zgjedhore dhe solemnitetin e ditës së votimit.
Sot është dita e qytetarëve që kanë të drejtën e zgjedhjes dhe deklaratat politike cenojnë standardet e procesit zgjedhor dhe janë në shkelje të dispozitave të Kodit Zgjedhor.
Gjithashtu, KQZ tërheq vëmendjen e Komisioneve të Qendrave të Votimit që të respektojnë Kodin Zgjedhor dhe të mos lejojnë persona të paautorizuar në Qendrat e Votimit.
Në QV dhe rreth tyre lejohen vetëm zgjedhësit, vëzhguesit e akredituar dhe stafi teknik i KQZ.
Kandidati i koalicionit “Bashkë Fitojmë” në Rrogozhinë, Shkëlqim Hoxha, ka folur për mediat pasi ka ushtruar të drejtën e votës në një prej qendrave të votimit.
Ai tha se duhet të kishin marrë fitoren që herën e parë, sidmos pasi Kolegji Zgjedhor doli në përfundimin se kutia e burgut nuk ishte në përputhje me rregullat, që parashikon ligji.
“Prej atyre […i referohet kutisë së burgut] ne humbën mandatin, por as nuk ishte e drejtë dhe as ripërsëritja. Në qoftë se vendoset se ka qenë e gabuar kutia e burgut dhe kthehen zgjedhjet dhe burgu nuk voton m , normaluishrt duhet të kishim marrë fitoren që herën e parë dhe tani jemi këtu ku jemi”, tha ai.
j.l./ dita
