Kandidati i PS për kryetar bashkie në Shkodër, Benet Beci, në një intervistë televizive ka rrëfyer brengën e tij që nuk ka mundur dot të investojë në qytetin e tij. Zgjedhjet e 14 majit, Beci i sheh si një mundësi e mirë për të investuar në Shkodër ashtu sikurse ka ndikuar në ndryshimin e shumë qyteteve të tjera të vendit.
“E kam pasur gjithë kohës shqetësimin sesi mund të ishte një mënyrë për të realizuar atë që po ndërtonim diku, për ta bërë në Shkodër. Kjo është normale për këdo që është prezent dhe aktiv në punë kudo, dhe nuk ka mundësi të ndikojë te Shkodra. E pasur veçanërisht për Shkodrën, për arsye të lidhjeve që ka çdo njeri me qytetin e tij. E dyta, kam menduar gjithmonë se Shkodra e ka potencialin shumë të madh dhe ka nevojë për të qenë në nivelin e e qyteti që historikisht ka qenë ashtu.
Ka qenë një breng e viteve të punës. Dhe nga Fondi Shqiptar i Zhvillimit kam qenë shumë aktiv me Shkodrën me kryetarët e bashkive të asaj kohe edhe deri me vonë për të pasur një mundësi, siç u bë Korça, Vlora, Puka, të ishte edhe Shkodra. Kur e shoh nga kjo anë tani, me duket se po çlirohem nga ndjesia që kam pasur gjatë gjithë kohës se më mungon një ndërhyrje, një punë, një çlirimet për investimet në Shkodër“- tha Beci.
I pyetur se kush e ka patur fajin për këtë, Beci u përgjigj se “duhet gjetur një rrugë nga të dyja anët për të luftuar për Shkodrën”.
m.b./dita
