Kandidati i Foltores për Bashkinë e Shijakut, Rezart Tusha, rezulton i dëbuar nga Zvicra në kuadrin e operacionit “Hydra” në vitin 1997, për posedim të lëndëve narkotike.
Gazeta “Tema” shkruan se atij iu ndalua hyrja në Zvicer për pesë vite, një vepër penale kjo që sipas ligjit të dekriminalizimit të skualifikon nga gara për kryetar bashkie.
Por pozitat e kandidatit rëndohen më tepër, pasi ai nuk e ka deklaruar këtë në formular, çka përbën nga ana tjetër një vepër penale.
Burimet e “Temes” pranë sektorit të Dekriminalizimit, të cilat me siguri i disponon dhe Prokuroria e Përgjithshme, si dhe nga vete deklarimet ne formularin e vetedeklarimit, treguan se Rezart Tusha ka jetuar ne Zvicer ne periudhat 1994-1995, e me pas është dëbuar.
Informacioni i detajuar tregon se ai është ndaluar ne kuadër te nje operacioni te koduar “Hydra”, per posedim te lendeve narkotike, per pasoje është dëbuar dhe i është ndaluar hyrja ne territorin zvicerian për 5 vite.
Mosdeklarimi i këtij problemi është vepër penale dhe nga ana tjetër të detyron të ndërpresësh garën për bashki.
m.b./dita
