Kastrioti merr fitoren minimale 2-1 ndaj Laçit në takimin e vlefshëm për raundin e 27-të të Superligës. Pjesa e parë u mbyll me barazim pa gola, ndërsa u desh minuta e 47’ që Mihana t’u jepte avantazhin krutanëve.
Megjithatë në minutën e 71’, Guindo realizoi për kurbinasit, duke e çuar rezultatin në barazimin 1-1. rezultati u vulos nga Ajazi, i cili realizoi për vendasit në minutën e 90+6’. Pas kësaj jave Kastrioti vijon të vuaj në fund të renditjes me 27 pikë, nga ana tjetër edhe Laçi ndodhet në zonën e rrezikut, më saktë në vend të tetë me 33 pikë.
Kujtojmë se Partizani është rikthyer fuqishëm te triumfet dhe ecën i qetë drjet titullit kampion, teksa mori një trepikësh me peshë të shtunën në Durrës ndaj Teutës 0-2 dhe blindon vendin e parë me 47 pikë, në pritje të ndeshjes së bardhebluve. Kukësi u mund në shtëpi nga Egnantia 0-3, ku rrogozhinasit janë surpriza e kampionatit, kurse Vllaznia nuk kaloi më shumë se një barazim të thatë me Bylisin. Tirana pret Erzenin dhe tenton fitoren që të mos distancohet nga të kuqtë.
