Nga Dorin Xhima
Në dukje një bankënotë e zakonshme 20-euro, por në realitet mund të jetë shumë më e çmuar se sa mendoni. Në botën e numizmatikës (hobi i vlerësimit dhe koleksionimit të monedhave e kartëmonedhave) disa detaje të vogla mund ta kthejnë një prerje të zakonshme në një objekt me vlerë të pazakontë.
Një prej këtyre detajeve është firma “Willem F. Duisenberg”, presidenti i parë i Bankës Qendrore Evropiane. Bankënotat me firmën e tij janë ndër të parat që qarkulluan në vitet e para të euros dhe sot shihen si modele historike, të rralla dhe gjithnjë e më të kërkuara.
Ekspertët thonë se, nëse një 20-euro që mban firmën e Duisenberg është në gjendje shumë të mirë – veçanërisht e paprekur, e drejtë dhe pa palosje – çmimi i saj në tregun e koleksionistëve mund të rritet disa fish.
Disa raste të shitjeve online tregojnë se koleksionistët janë të gatshëm të paguajnë shumë më tepër se vlera nominale, sidomos kur bankënota ka edhe një numër serial unik ose i përket një serie të kufizuar.
Interesi rritet edhe nga fakti se firma e Duisenberg është përdorur për një periudhë të shkurtër. Më pas, kartëmonedhat e eurozonës kanë mbajtur firmat e pasardhësve të tij, çka i bën prerjet e para më të rralla.
Prandaj, nëse në portofolin tuaj keni një 20-euro të vjetër, ja vlen t’i hidhni një sy firmës. Mund të mos jetë thjesht një bankënotë për të paguar kafenë, por një copëz historie monetare që 5 deri në 15 përqind të shifrës reale.
Në varësi të gjendjes dhe veçorive, një 20-euro me firmën Duisenberg mund të vlejë nga 60 € deri në 320 € dhe më shumë në raste të rralla, nëse është e papërdorur ose ka numër serial të prerjeve të para.
Autori është redaktor i rubrikave Sport & Kuriozitete në gazetën DITA.
