Legjenda e muzikës italiane, Gianni Morandi, ndodhet për një vizitë private në rivierën shqiptare. I njohur për karrierën e gjatë dhe këngët që kanë shoqëruar breza të tërë në Itali dhe më gjerë, Morandi ka zgjedhur këtë herë bregdetin e jugut të Shqipërisë për disa ditë pushimi dhe relaksi.
I ftuar nga miku i tij i vjetër, ish-deputeti dhe mjeku i njohur Vangjel Tavo, Morandi është pritur me ngrohtësi në zonën e Dhërmiut, ku është parë të shijojë natyrën, kuzhinën dhe mikpritjen shqiptare.
Kjo vizitë nuk është e para për artistin italian në Shqipëri, por këtë herë, prania e tij në një nga zonat më të preferuara turistike vjen edhe si një formë mesazhi për promovimin e turizmit kulturor dhe relaksues që ofron vendi ynë.
Vizita e Gianni Morandit është përjetuar si një moment i veçantë nga banorët dhe pushuesit në Dhërmi, që e kanë njohur menjëherë artistin e dashur dhe e kanë përshëndetur me entuziazëm.
