Kryeministri Edi Rama ka shkëmbyer batuta me Oliver Röpke, presidentin në largim të Komitetit Ekonomik dhe Social Europian.
Rama falenderoi presidentin e EESC, duke u shprehur se “keni qenë një sindikalist i vërtetë duke thyer tavanet e xhamit në Bruksel për ne”.
Kryeministri bëri batuta teksa iu drejtua Oliver Röpke “nuk e di cila do të jetë puna juaj e ardhshme, por të jeni të sigurt që Shqipëria do tju ofrojë një punë nëse në Brukseli do të hakmerret”.
“Faleminderit zoti president, keni qenë një sindikalist i vërtetë duke thyer tavanet e xhamit në Bruksel për ne. Natyrisht duke përdorur teknikat tuaja të sindikalistit që ne i vlerësojmë shumë.
Nuk e di cila do të jetë puna juaj e ardhshme, por të jeni të sigurt që Shqipëria do tju ofrojë një punë nëse në Brukseli do të hakmerret dhe do të përpiqet që t’ju lërë pas dore. Sa herë të keni nevojë për punë ejani në Shqipëri, mund t’ju ofroj çdo punë përveç times”, tha Rama.
j.l./ dita
