Pjesë e Edicionit të III të Samitit të Diasporës që po mbahet në Tiranë është edhe kryetari i Bashkimit Demokratik për Integrim në Maqedoninë e Veriut, Ali Ahmeti, i cili gjatë fjalës së tij është shprehur se me dituri dhe mençurin, Shqipëria, Kosova, Maqedonia e Mali i Zi janë shumë afër anëtarësimit të BE-së dhe se duhet punuar me shumë përkushtim.
Duke iu drejtuar kryeministrit Rama, ai shprehet se duhet ta ngrejë edhe më shumë zërin sesa e ka ngritur deri më tani dhe se të gjithë do i ketë në krah.
“Luftërat i fituam edhe politikisht e ushtarakisht dhe diplomatikisht, sot kemi një luftë të re dhe më të fortë, ti bëjmë të begatë atdheun tonë. Të organizohemi më shumë se fort sesa jemi të organizuar dhe këtë mundësi mërgata e ka. Të gjithë të përkushtohemi, të gjithë të rinjtë të kapin diturinë në universitet e Amerikës e Europës e të kthehen kokë plot në atdheun të tyre. Sot me dituri dhe mençurinë, vendet tona mundi t’i kemi së shpejti anëtare në BE siç jemi sot në NATO. Europa nuk mund të jetë e qetë pa Shqipërinë, Kosovë, Maqedoninë e Malin e Zi, djepi i Europës është Mesdheu dhe vendin tonë e kemi aty. Me përkushtim duhet punuar dhe asnjë gjë e parealizueshme nuk mund të jetë. I dashur Edi ne jemi një hap para anëtarësimit dhe pak duhet që edhe më fort të ngresh zërin, ne të tjerët nuk na ke pas, por na ke në krah, do doja t’ju uroj shëndet të gjithë juve, të rojë populli Shqiptar”, u shpreh Ali Ahmeti.
p.k\dita
