Kryetari i Grupit Parlamentar Taulant Balla, ka ironizuar opozitën që braktisi seancën ndonëse kishte kërkuar sipas tij, vetë debat për çështjen “McGonigal”.
Ai u shpreh se Rama i dha përgjigjet e veta ndërsa e vetmja gjë që u kuptua nga kjo situatë është se opozita ka përdorur këtë çështje për të larguar vëmendjen nga situata në PD.
Balla deklaroi se tashmë fokusi i Partisë Socialiste është të kryejë hetimet e plota mbi “21 janarin”.
“Në fakt opozita ka ikur të flejë gjumë po vazhdojnë diskutimet vetëm nga ana e mazhorancës, ju njihni shumë mirë se keni qenë në një kohë të gjatë me ta, fle gjumë herët, ishin këta që kërkuan debatin 24 orë dhe pas 11 orësh jemi vetëm ne.
Kryeministri ka dhënë versionin dhe përgjigjet e tij për çështjen, nuk është për askënd detyrim që ne të qëndrojmë gjatë gjithë kohës, ai i është përgjigjur të gjitha pyetjeve të deputetëve dhe besoj se disa gjëra duhet të jenë të qarta që çështja “McGonigal” nuk ka asnjë lidhje me Shqipërinë, që opozita ngriti këto çështje që në këto javë që të hiqte vëmendjen nga çështjet e tjera për ne e rëndësishme mbetet hetimi i plotë i 21 janarit”, tha Balla.
m.b./dita
