Gazeta DitaGazeta DitaGazeta Dita
Njoftime Shfleto më tepër
Font ResizerAa
  • Kreu
  • Opinion
  • Politikë
  • Ekonomi
  • Bota
  • Kronikë
  • Sport
  • Kulturë
  • Histori
  • Kendi i Kryeredaktorit
  • Investigim
  • Dita TV
  • Kopertina
  • Arkiva
  • RRETH NESH
Duke lexuar: I kapën kështjellë, miliona në bankë, jaht e avion privat, Beqiri i AKSHI-t në gjykatën franceze: ‘Nëse kam korruptuar dikë, është shteti…”
Shpërndaje
Gazeta DitaGazeta Dita
Font ResizerAa
  • Kreu
  • Opinion
  • Politikë
  • Ekonomi
  • Bota
  • Kronikë
  • Sport
  • Kulturë
  • Histori
  • Kendi i Kryeredaktorit
  • Investigim
  • Dita TV
  • Kopertina
  • Arkiva
  • RRETH NESH
Kerko
  • Kreu
  • Lajmi i fundit
  • Kryesore
  • Aktualitet
  • Analiza
  • Politike
  • Ekonomi
  • Kronike
  • Opinion
  • Kendi i Kryeredaktorit
  • Bote
  • Sport
  • Dita TV
  • Lifestyle
  • Enciklopedi
  • Europa/Analize
  • Histori
  • Kendi i Kryeredaktorit
  • Komunitet
  • Kopertina
  • Kulture
  • Kuriozitete
  • Metropol
  • Shendetesi
  • Teknologji
  • Telebingo
  • Televizion
  • RRETH NESH
Sign In
Na ndiqni
Gazeta Dita > Blog > Kronike > I kapën kështjellë, miliona në bankë, jaht e avion privat, Beqiri i AKSHI-t në gjykatën franceze: ‘Nëse kam korruptuar dikë, është shteti…”
KronikeLajmi i fundit

I kapën kështjellë, miliona në bankë, jaht e avion privat, Beqiri i AKSHI-t në gjykatën franceze: ‘Nëse kam korruptuar dikë, është shteti…”

Published: October 24, 2026
Shpërndaje

Ermal Beqiri do të vijojë të mbetet pas hekurave pasi Gjykata e Apelit në Amiens ka rrëzuar sërish kërkesën e tij për lirim. Tanimë, ky person nën hetim nga SPAK për tenderat e AKSHI-t, do të presë derisa drejtësia franceze të vendosë nëse do të ekstradohet drejt Shqipërisë.

Në Apelin francez, autoritetet gjyqësore shqiptare kishin dërguar tri dokumente: një letër nga ministri i Drejtësisë, një tjetër nga drejtuesi i Prokurorisë Kundër Korrupsionit lidhur me garancitë juridike dhe një dokument të tretë nga Drejtoria e Përgjithshme e Burgjeve.

Në mbrojtje të Beqirit, avokati Nicolas Paganelli tha se këto dokumente janë të diskutueshme si për nga forma, ashtu edhe për nga përmbajtja.

- Publicitet -

“Janë drafte, nuk janë punë serioze”, deklaroi ai.

Në sallën e gjyqit, Ermal Beqiri shpjegoi se nuk kishte besim te drejtësia e vendit të tij: “Nëse kam korruptuar dikë, ai është shteti.”

Nga ana e saj, Prokuroria e Përgjithshme në Amiens vlerëson se ekstradimi duhet të kryhet.

Ermal Beqiri u arrestua pasi fluturoi me avionin e tij privat në një lartësi të ulët mbi centralin bërthamor Penly, midis Dieppe dhe Le Tréport të Francës. Përballë autoriteteve franceze, më 27 korrik, Beqiri ka deklaruar se kishte gabuar me lartësinë e fluturimit dhe se në momentin kur kaloi mbi central ishte duke folur në telefon me nënën e tij.

Në kuadër të procedurës së pranimit të fajësisë, ai u dënua me një gjobë prej 7 mijë eurosh.

Edhe pse pritej që të lirohej pas përfundimit të kësaj procedure, Beqiri vijon të qëndrojë në burgun e Beauvais, pasi SPAK i ka dërguar Francës një kërkesë për ekstradimin e tij.

Autoritetet franceze i kanë sekuestruar një kështjellë të shekullit të 16-të, pranë Parisit, llogari bankare me një vlerë prej më shumë se 2.1 milion euro, dy apartamente në jug të Francës, disa automjete, një jaht dhe një avion.

SPAK ka ngritur ndaj këtij shtetasi akuza për veprat penale “Konkurrenca e paligjshme nëpërmjet dhunës”, “Heqja e paligjshme e lirisë”, “Shkelja e barazisë së pjesëmarrësve në tenderë apo ankande publike” e kryer në bashkëpunim në formën e Grupit të Strukturuar kriminal”, si dhe “Pastrimi i produkteve të veprës penale ose veprimtarisë kriminale” dhe “Korrupsioni aktiv i personave që ushtrojnë funksione publike”.

Artikulli i plotë i Courrier-picard

Ermal Beqiri u paraqit sërish në Gjykatën e Apelit në Amiens këtë të premte, më 23 tetor 2026. Pas kërkesës së tij për lirimin nga paraburgimi, e cila u shqyrtua tri ditë më parë nga dhoma e hetimeve, sipërmarrësi shqiptar dëgjoi vendimin e gjyqtarëve: kërkesa u rrëzua. Kështu, ai do të presë pas hekurave derisa drejtësia të vendosë për fatin e tij, konkretisht nëse do t’u dorëzohet apo jo autoriteteve shqiptare.

Burri, me banim në kështjellën e Auteuilit, në Berneuil-en-Bray (departamenti Oise), refuzon t’i nënshtrohet kërkesës për ekstradim që është lëshuar ndaj tij. Prokuroria e Posaçme Kundër Korrupsionit në Tiranë dyshon se ai është një nga organizatorët e një rrjeti që ka përfituar kontrata publike në fushën e teknologjisë së informacionit në Shqipëri, duke shtrembëruar konkurrencën dhe duke përdorur intimidimin.

Bëhet fjalë për një çështje që ka shkaktuar shumë bujë në Shqipëri: janë nën hetim 19 procedura të prokurimit publik, me një vlerë të përllogaritur prej 59 milionë eurosh.

Shqipëria i ka përcjellë dokumente drejtësisë franceze

Në gusht, dhoma e hetimeve kishte kërkuar informacione shtesë përpara se të merrte një vendim. Këtë të premte, ajo shqyrtoi në themel kërkesën për ekstradim, pas përgjigjes së autoriteteve gjyqësore shqiptare, të cilat kishin dërguar tri dokumente: një letër nga ministri i Drejtësisë, një tjetër nga drejtuesi i Prokurorisë Kundër Korrupsionit lidhur me garancitë juridike dhe një dokument të tretë nga Drejtoria e Përgjithshme e Burgjeve.

Në mbrojtje të tij, avokati Nicolas Paganelli vlerëson se këto dokumente janë të diskutueshme si për nga forma, ashtu edhe për nga përmbajtja.

“Janë drafte, nuk janë punë serioze. Ju nuk jeni shërbimi i asistencës pas shitjes për garanci diplomatike të paplota”, deklaroi ai.

Në sallën e gjyqit, Ermal Beqiri shpjegoi se sa e vështirë ishte për të të kishte besim te drejtësia e vendit të tij:

“Nëse kam korruptuar dikë, ai është shteti. Por nga ato anë, askush nuk është në burg për këtë. Gjithsesi, këtu ka një problem. Kjo çështje është thjesht politike.”

Nga ana e saj, Prokuroria e Përgjithshme në Amiens vlerëson se ekstradimi duhet të kryhet.

“Ju kërkohet të mbani një qëndrim për sistemin gjyqësor shqiptar, por ky nuk është roli i dhomës së këtushne të hetimeve”, argumentoi prokurorja e përgjithshme, e cila e kishte përmbledhur më parë çështjen me fjalët: “Në Shqipëri po zhvillohet një spastrim i madh kundër korrupsionit dhe krimit të organizuar”.

o.p. / dita

 

Shpërndaje këtë artikull
Facebook Email Printo

Lajmi i Fundit

  • Shenja në qafë, plagë në shpatull dhe fytyrë, BBC publikon ekspertizën private: E mbytën nga pas, Epstein nuk kreu vetëvrasje
  • “Siguroni ujë, ushqim dhe ilaçe për 72 orë”! Pse ky urdhër, për çfarë duhet të jemi të përgatitur
  • Ndërron jetë papritur vëllai i ish-deputetit
  • E RËNDË: Përplaset me fadromën në autostradën Fier-Vlorë, humb jetën kreu i Antikrimit të Vlorës
  • Dy dokumenta arkivore që tregojnë se babai i Pavarësisë nuk ishte një aktor naiv

Komentet e Fundit

  1. Kiri on Kryeministri i Shqipërisë bën batuta në Bruksel me gangstera rusë dhe lodra kineze
  2. anti25642654censurë on Veton Surroi, akuza të rënda për Baton Haxhiun: Lidhja me shërbimin serb, Shqipëria refuzoi shtetësinë (misteri i vilës në Golem)
  3. anti25642654censurë on Diçka që vërtetë të dëshpëron
  4. ANA on VIDEO: Një këngë nacionaliste serbe kundër Kosovës interpretohet në Forumin e Zgjerimit të BE
  5. Nje mik qe te do te miren on Peshku në det, tigani në zjarr

Kategori

Merr te rejat më të fundit

Ndiqni Gazeta Dita duke vendosur emailin tuaj më poshtë dhe do të njoftoheni për të rejat më të fundit

[mc4wp_form]

Gazeta DitaGazeta Dita
© Copyright Gazeta Dita 2012. Të gjitha të drejtat e rezervuara



Welcome Back!

Sign in to your account

Username or Email Address
Password

Lost your password?