Teksa po zhvillohet ndeshja e kthimit për Kupën e Mbretit në Spanjë, në klasiken e ethshme Barcelona-Real Madrid (1-0 ndeshja e parë për katalanasit), ajo që ka rënë në sy ishte ovacioni për minuta të tëra i mbi 90 mijë tifozëve në “Camp Nou”, duke brohoritur emrin e Lionel Messi. Tematika e ditëve të fundit dhe zërat për një rikthim pas negociatave zyrtare që ka nisur klubi, kanë rritur edhe shpresat për rikthim në origjinë të yllit argjentinas, kampion bote së fundmi.
Dhe momenti më i veçantë ishte minuta e 10-të e takimit, që u kthye në simbolike referuar fanelës që ka mbajtur ‘pleshti’ për më shumë se një dekadë, me thirrjet “Messi kthehu!”. Argjentinasi nuk është shprehur ende për këtë opsion, megjithëse në të kaluarën ka deklaruar se do i pëlqente rikthimi në Barcelonë, por duke riparë kushtet. Klubi arab i Al Hilal po e kërkon së fundmi me çdo kusht, duke e rritur ofertën nga 300 në 400 milionë euro në sezon për dy vitet e ardhshme dhe për të qenë kundërshtar i rivalit të përjetshëm, Cristiano Ronaldo, që militon tek Al Nassr.
