Ndërpritet në minutën e 63-të sfida gjysmëfinale e Kupës së Holandës, Feyenoord – Ajax Amsterdam. Derbi i nxehtë i Holandës po luhej në stadiumin “De Kuip” të Roterdamit, kur në fushë u ndezën gjakrat dhe Klassen i Ajaxit u gjakos në kokë pasi u godit me çakmak nga një tifoz i Feyenoordit (tifozët e Ajaxit nuk janë lejuar të jenë të pranishëm në stadium.
Rezultati në momentin e ndërprerjes ishte 1-2 në favor të “Harkëtarëve”. Golin që zhbllokoi takimin e shënoi Tadic, më pas barazoi Gimenez, por me fillimin e pjesës së dytë Klassen që mori goditjen në kokë, barazoi rezultatin. Situata u nxeh pas përplasjes mes Kökcü (Feyenoord) dhe Tadic (Ajax), duke precipituar më pas në dhunimin e Klassen. Zyrtarët e ndeshjes njoftuan të dyja skuadrat t’u drejtoheshin dhomave të zhveshjes. Para se të niste sfida, janë shënuar incidente mes tifozëve të të dyja skuadrave jashtë stadiumit.