Një konflikt fizik ka ndodhur mes dy personave në ish-Bllok, në orët e mesditës së sotme. Policia e Tiranës njoftoi se rreth orës 11:20, brenda në një lokal, dyshohet se për motive të dobëta janë konfliktuar me njëri-tjetrin, shtetasit A. R., 35 vjeç, dhe A. D., 40 vjeç. Si pasojë, të dy janë dëmtuar dhe ndodhen në spital, nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të ngjarjes, teksa pritet edhe dëshmia e detajuar e dy të rinjve dhe personave që ishin prezent gjatë sherrit mes tyre.
Klientët përleshen në lokal pas ngacmimeve, përfundojnë të dy të sakatuar në spital
