Komisioni i Ankesave dhe Ankimimeve (KAS) ka rrëzuar kërkesën e koalicionit Berisha-Meta, të cilët kërkonin pavlefshmërinë e rezultatit të zgjedhjeve të 14 majit në bashkinë e Rrogozhinës.
Por dy anëtarët e KAS, Ledio Braho dhe Elvis Cefa bënë kërkesën në KQZ që të rihapet kutitë. Kërkesë kjo e cila u pranua nga KAS dhe kutitë për bashkinë e Rrogozhinës do të hapen më 5 qershor, ku do të bëhet rinumërimi i tyre.
Në Rrogozhinë koalicioni Berisha – Meta ankimoi rezultatin për kryetar të bashkisë dhe kërkon rinumërimin dhe rivlerësimin e votave.
Rrogozhinë, 30 votat që bënë diferencën
Në Rrogozhinë u shpall fitues kandidati socialist, Edison Memolla me një diferencë vote prej vetëm 30 votave kundrejt kandidatit të koalicionit “Bashkë Fitojmë”. Ndërkohë numri i votave të pavlefshme në këtë zonë zgjedhore në votimin për kryetar të bashkisë është 276 vota, pra më shumë se 9 herë më e madhe se diferenca e votave mes dy kandidatëve. Koalicioni kërkon që të rinumërohen dhe rivlerësohen jo vetëm 276 votat e pavlefshme por në përgjithësi i të gjithë qendrave të votimit.
o.j/dita
