Kolegji Zgjedhor ka rrëzuar përfundimisht Sali Berishën dhe Ilir Metën. Koalicioni ‘Bashkë Fitojmë’ kishte kërkuar që logot e partive të mos vihen krahas fletës së votimit për kryetarë bashkie, por Kolegji Zgjedhor e rrëzoi këtë kërkesë.
Kjo do të thotë që edhe logoja e PD do të jetë në fletën e votimit.
Kjo kërkesë e koalicionit ‘Bashkë Fitojmë’ ishte bërë me qëllim që të hiqej nga fleta e votimi logoja e Partisë Demokratike pasi ata pretendonin se penalizoheshin kandidatët e Berishës.
Por, në fakt pas vendimit të KAS dhe Kolegjit Zgjedhor, logoja e PD do të jetë në fletën e votimit, krah kandidatëve të saj. Ashtu siç do te jenë të gjitha logot e partive të tjera.
Ndërkohë pritet të shqyrtohet kërkesa tjetër e koalicionit ‘Bashkë Fitojmë’ për të zëvendësuar emrin si drejtues të koalicionit duke vendosur emrin Sali Berisha në vend të Ilir Meta në përmbajtjen e fletës së votimit për kandidatët për anëtarë të këshillit bashkiak në të 61 bashkitë e vendit. Trupa gjykuese për këtë ccështje është Marsela Dervishi (Relatore) dhe anëtarët Esmeralda Xhili, Alma Kolgjoka, Emona Muçi, Manjola Xhaxho.
o.j/dita
