Komisioneri për Zgjerimin, Oliver Varhelyi ka zhvilluar një takim me deputeten e Partisë Demokratike, Albana Vokshi, mbështetëse e krahut të Sali Berishës, ku e ka bërë të qartë që roli konsultativ i parlamentit është kyç për procesin e negociatave.
Në njoftimin në platformën X, Varhelyi shkruan se në këtë drejtim, opozita ka një rol të rëndësishëm në rrugën e Shqipërisë drejt Bashkimit Europian.
“Me deputeten Albana Vokshi, diskutuam raportin e OSBE/ODIHR 2023 për zgjedhjet lokale dhe Raportin e Zgjerimit 2023. Roli konsultativ i Parlamentit në procesin e negociatave të anëtarësimit është vendimtar dhe angazhimi konstruktiv i opozitës është kyç”, thuhet në njoftim.
Ky reagim vjen në një kohë kur opozita ka bllokuar zhvillimin normal të seancave parlamentare me argumentin se po shkelet Kushtetuta, pasi mazhoranca refuzon që të lejojë ngritjen e 8 Komisioneve Hetimore.
p.c. / dita
