Lidhur me investigimin për përfitimin nga ana e ish-kryetares së LSI Monika Kryemadhi të parave ruse, kreu i grupit parlamentar të PS, Taulant Balla tha se SPAK duhet të nisë hetimet për këtë rast.
Ai theksoi se lidhja me oligarkë rusë të cilët janë pjesë e listës së zezë të SHBA-së prej vitesh, cënon sigurinë kombëtare e sidomos kur kjo ka ndodhur në kohën kur ishte bashkëshortja e presidentit të Republikës.
“Ata elementë që ata nxorën pagesa bankare, sikurse kishte pagesa në rastin e PD-së, këtu shkon më e rëndë rezulton se Kryemadhi të jetë aksionere në shoqëri me pronarë oligarkë rusë që janë në listën e zezë të SHBA prej shumë vitesh, si ka mundësi që një pjesë e pagesave janë bërë në vitin 2017 janë në të njëjtën kohë kur PD ishte pjesë e financimeve?
Ajo që duhet të kuptoni është si ka mundësi që tjerrën çdo javë për historinë Mcgonigal kur thuhej se ishte edhe një oligark rus, ndërkohë kemi fakte, fatura bankare që zotëri je pjesë e disa transfertave nga kompani në llogari bankare, bankë zvicerane dhe portugeze që rezulton të jetë paguar gjatë asaj kohe bashkëshortja e presidentit të Republikës. Prokurorin ia kemi dhënë SPAK, por theksoj nevojën e një hetimi nga SPAK për financimin e partisë.
Këto janë çështje të cilat ka SPAK hetim për pasurinë e Berishës dhe zotit Meta? Me të paktën di që ka kallëzim penal nga një shtetas. Një gjë duhet të jetë e qartë se edhe Shqipëria nuk i ka shpëtuar përpjekjes së Rusisë për të minuar. Deri më sot nuk ka pasur asnjë përpjekje për të penetruar në financim të paligjshëm tek PS”, tha Balla.
m.b./dita
