Nga spitali ‘Shefqet Ndroqi’, kryeministri Edi Rama ka kryer një inspektim në njëri nga 17 centralet e sterilizmit, koncesion i shumë diskutuar, për të cilin SPAK ka arrestuar ish-zv ministrin e Shëndetësisë si dhe biznesmenin që fitoi tenderin Ilir Rrapaj.
Kreu i qeverisë, tha se koncesioni i sterilizimit ka garantuar standard të ri sigurie për ndërhyrjet operatore. Rama tha se hetimi i SPAK për abuzime të mundshme në procesin e PPP-së, nuk cenin suksesin e kësaj nisme, e shtoi se hetimi siguron që askush të mos mbetet i pandëshkuar nëse ia bën me hile shtetit dhe popullit.
“Spitali Universitar “Shefqet Ndroqi” – Në një nga 17 centralet e reja të krijuara falë PPP-së së sterilizimit, që kanë garantuar një standard krejt të ri sigurie për ndërhyrjet operatore, duke e kthyer njëherë e mirë faqen e turpit e të pasigurisë në sallat e operacioneve, duke ulur në minimum fenomenin e vjetër të infeksioneve post-operatore si pasojë e mungesës së sterilizimit të vërtetë, si edhe duke i kursyer shtetit dhjetëra miliona euro nga ulja e ditëve të qëndrimit në spitale pas operacioneve.
Hetimi i SPAK-ut për abuzime të mundshme në procesin e ndërtimit të këtij Partneriteti Publik Privat, nuk e cenon aspak suksesin e prekshëm të kësaj nisme madhore të qeverisë shqiptare për Rilindjen e Shëndetësisë, por siguron që askush të mos mbetet i pandëshkuar nëse ia bën me hile shtetit dhe popullit shqiptar, duke nxjerrë përfitime vetjake të paligjshme gjatë kryerjes së detyrës në punën për qëllimin e përbashkët”, thekson kreu i qeverisë.
“Koncesioni i Sterilizimit ka ulur infeksionet post-operatore. PPP e i Sterilizimit i ka kursyer shtetit miliona euro nga ulja e ditëve të qëndrimit në spital. Hetimi i SPAK për abuzime të mundshme në procesin e PPP, nuk cenon suksesin e kësaj nisme. Hetimi i SPAK siguron që askush të mos mbetet i pandëshkuar nëse ia bën me hile shtetit dhe popullit”, tha Rama.
“Janë të sigurta”, tha mjekja.
“Kur u morën masat e sigurisë për atë grupin që ka bërë procesin, kam marrë disa mesazhe, nga mjekë që ishin të shqetësuar se mos sekuestrohet dhe bllokohet. Kjo nuk është pjesë e kësaj gjëje. Qëllimi ka qenë që t’ju japim në dorë instrumenta që janë sot në klasin më të lartë. Kush shef kap ca të kapi ka një tjetër drejtim, atje ku e dimë. Kjo duhet që të bëjë që ta përsosim dhe të jemi në një nivel më të lartë”, tha ai.
j.l./ dita
