Zhvillime të reja nga dita e dytë e luftës Palestinë-Izrael.
Nga raportimet e fundit, mësohet se numri i viktimave ka shkuar në mbi 1100, mes tyre 20 fëmijë, 700 izraelitë dhe mbi 400 palestinezë në Gaza.
Rreth 2,300 të tjerë janë plagosur në Gaza.
Ndërsa sulmet e njëpasnjëshme, kanë sjellë ndërprerje të energjisë elektrike duke kërcënuar jetën e qindra të plagosurve dhe pacientëve.
Si kundërpërgjigje, sulmet ajrore izraelite goditën blloqe banimi, tunele, një xhami dhe shtëpitë e zyrtarëve të Hamasit në Gaza të dielën, duke vrarë më shumë se 400 njerëz, përfshirë fëmijë, pas zotimit të kryeministrit Benjamin Netanyahu për “hakmarrje të fuqishme”.
Grupi militant i Hamasit që sundon Rripin e Gazës kreu një sulm vdekjeprurës me shumë fronte në Izrael të shtunën në mëngjes.
Disa linja ajrore ndërkombëtare kanë pezulluar shërbimet e fluturimit me Tel Avivin mes sulmeve në rritje të Hamasit në Izrael.
Luftëtarët e grupit islamik vranë 700 izraelitë dhe rrëmbyen dhjetëra të tjerë në sulmet që nisën mëngjesin e së shtunës, të cilat ishin inkursioni më vdekjeprurës i tillë që nga lufta e Yom Kipur 50 vjet më parë, duke e shtyrë Izraelin të hakmerret duke goditur enklavën palestineze të Gazës, shkruajnë mediat e huaja.
Të dielën, kompanitë ajrore amerikane United Airlines (UAL.O), Delta Air Lines (DAL.N) dhe American Airlines (AAL.O) thanë se kishin pezulluar fluturimet direkte, ashtu si edhe Air France (AIRF.PA) .
Linjat ajrore amerikane zakonisht kryejnë shërbime të drejtpërdrejta nga qytetet kryesore si Nju Jorku, Çikago, Uashingtoni, DC dhe Miami.
j.l./ dita
