Në Bashkinë e Korçës janë numëruar deri më tani 70 qendra votimi nga 158 gjithsej. Kryeson bindshëm kandidati socialist Sotiraq Filo me 62.54% të votave përkundrejt 37.46% të kandidates së Bashkë Fitojmë, Ledina Alolli.
Në Bashkinë e Pustecit PS nga 8 kuti në total, deri më tani janë numëruar 7. Sipas rezultateve paraprake nga KQZ, kandidati i PS, Pali Kolefski ka marrë rreth 64%, ndërsa kandidati i PD, Pandi Jani 36%. Ndërkohë që në Bashkinë e Devollit janë numëruar 26 kuti nga 49, ku kandidati i PS Eduard Duro kryeson me 52.% të votave, ndërsa Elvis Hajdërlli i BF me 47% të votave.
Në Bashkinë e Kolonjës janë numëruar 25 nga 28 kuti, dhe kandidati i Partisë Socialiste Erion Isaj kryeson bindshëm me 64% të votave, ndërsa rivali i tij Ethem Lumani 36%. Isai po shkon drejt një mandati të dytë.
Në Bashkinë e Pogradec janë numëruar 36 kuti nga 106 dhe kryeson kandidati socialit Ilir Xhakolli gëzon 65% të votave, ndërsa rivali i tij Zini Tollozhina me vetëm 32.30%. Në garë është edhe një kandidat i forcës Lëvizja e Re, Rezart Laraku, i cili ka marrë 2.02%. Edhe Bashkinë e Maliqit kryeson kandidati socialist Gezim Topçiu i cili merr një tjetër mandat sipas këtij rezultati. Ai merr 67.936% të votave kur janë numëruar vetëm 27 kuti nga 76. Kandidati i BF, Alfred Gega, merr 32.07% të votave.
Në Bashkinë Dibër kandidojnë 4 emra. Deri tani janë numëruar 29 nga 99 kuti dhe kryeson kandidati socialist Rahim Spahiu me 67.93% të votave. Ndërsa kandidati i “Bashkë Fitojmë” Ismail Uka është rreth 26.82% ndërsa kandidati i PD-së Naim Gazidede është 5.25%.
Në Bashkinë Klos janë numëruar 24 nga 27 kuti. Nga rezultatet paraprake, kandidatja e Partisë Socialiste Valbona Kola kryeson me 55.61% të votave, ndërsa rivali i saj Bedri Hoxha nuk i kalon 44%.
Në Bashkinë Mat, Agron Malaj i PS shkon drejt fitores me 31 kuti të numëruara nga 49 gjithsej, me mbi 67.02% të votave, ndërkohë që rivali i tij Skënder Gjuci i “Bashkë Fitojmë” shkon 32.98% të votave.
Bashkia Bulqizë ka 49 qendra votimi dhe deri tani janë numëruar 31. Edhe këtu kryeson kandidatja e PS, Festime Mjeshtri me 60.59% të votave, ndërkohë që kandidati i koalicionit Berisha-Meta, Defrim Fiku shkon 39.41%.
j.l./ dita
