Një marshim dardan që do të mbetet gjatë në analet e futbollit evropian. Në një ndeshje dramatike me 7 gola, Kosova ka mposhtur Sllovakinë në shtëpinë e saj me rezultatin 4-3, duke siguruar kalimin në finalen e madhe të “play-off”-it për Botërorin 2026.
Edhe pse luanin si vizitorë, djemtë e Franco Fodës hynë në fushë me mentalitetin e fituesit. Kosova ka realizuar një fitore fantastike në fushë kundërshtare ndaj Sllovakisë, me rezultatin 4:3.
Kombëtarja “Dardane” e nisi me disavantazh sfidën, teksa sllovakët realizuan gol shumë herët, që në minutën e 6-të me anë të Valjent.
Hoxha barazoi për Kosovën në minutën e 21-të. Ndërsa, vendasit realizuan përsëri në fund të pjesës së parë me Haraslin. Pjesa e parë u mbyll me rezultatin 2:1 për ekipin e Sllovakisë.
Pjesa e dytë foli për Kosovën, që përmbysi gjithçka. “Dardanët” shënuan tre gola rresht me Asllanin, Muslijan dhe Hajrizin. Strelec shëoi në minuta shtesë, por që nuk ndryshoi asgjë në rezultatin final. Në fund çdo gjë u mbyll me rezultatin 4:3 për Kosovën, që ka shënuar sonte dhe një fitore historike.
Tashmë, Kosova do të përballet me Turqinë në finalen e play off, ku do vendoset se cila përfaqësuese do të shkojë në Botëror.
d.x. / dita
