Komisioni Qendror i Zgjedhjeve ka bërë me dije përqindjen e votuesëve deri në orën 10.00.
Sipas shifrave zyrtare, 8.08 % e votuesve kanë hedhur votën e tyre në kutitë e votimit për zgjedhjet e 14 majit, deri në orën 10:00. Deri më tani kanë votuar 158904 nga 1966898 zgjedhës në listën e QV-ve të raportuara.
Sipas listës së shpërndarë nga Ministria e Brendshme, të drejtën e votës në zgjedhjet e 14 majit e kanë 3 milionë e 650 mijë e 550 shtetas shqiptarë.
Kështu nga këta 122 mijë e 545 janë qytetarë që e kanë mundësinë për të votuar për herë të parë. Ata do të votojnë në 5 mijë e 211 qendra votimi në të gjithë vendin. Por janë edhe 1 mijë e 111 shtetas nuk janë përfshirë në lista për shkak të dekriminalizimit, pasi dënimi që kanë marrë përveç lirisë dhe disa të drejtave të tjera, iu mohon edhe të drejtën e votës.
j.l./ dita
