Kremtohet Mesha ( dhoksologjia) e flamurit në Korcë. Një traditë që mbahej nga Imzot Fan Noli në Korcë, rikthyer cdo 28 nëntor nga Mitropoliti i Korcës prej dekadash dhe tani, mesha e flamurit bëhet në mbarë Kishat ortodokse të vendit.
Mesazhi pas meshës i Imzot Joan Pelushit, Mitropolit i Korçës:
“Doksologjia ka 2 elementë kryesorë, ka falënderimin, ka edhe angazhimin. Falënderimin për Perëndinë, për vendin që na ka dhënë. Na ka dhënë një vend të bukur që ka gjiithçka, ka fusha, kodra, pyje, lumenj, liqene. Falënderimi nuk mbaron vetëm thjesht duke thënë fjalë, por me vepra.
Edhe ky është elementi i dytë, angazhimi. Gjithsecili nga ne nëse do Perëndinë, padyshim që do dojë edhe vendin që e ka lindur dhe rritur, e do dojë edhe popullin e tij. Atdhetar i vërtetë është ai njeri që lulëzon vendin e tij, jo ai që thotë vetëm fjalë të bukura.
Fjalët e bukura pa vepra janë si pema pa fruta, e fruti i vërtetë i dashurisë është gjithmonë vepra. Ndaj le ta lulëzojmë vendin tonë e le të përpiqemi e Zoti do ta bekojë këtë vend e do të na bekojë ne”, – tha Imzot Joani, Mitropolit i Korçës.
p.c. / dita
