Gjatë vizitës zyrtare të kryeministrit Edi Rama në Izrael, në pamjet e publikuara nga takimet protokollare vihet re edhe prania e drejtueses së Shërbimit Informativ të Shtetit, Vlora Hyseni.
Në një nga momentet e pritjes, ajo shihet duke shkëmbyer përshëndetje me kryeministrin izraelit Benjamin Netanyahu.
Ndryshe nga përshëndetjet e tjera formale në radhë, kontakti i saj zgjat disa sekonda më shumë dhe në video dallohet një shkëmbim fjalësh mes palëve, çka sugjeron një komunikim më të drejtpërdrejtë sesa protokolli standard.
Deri në këtë moment nuk ka njoftim zyrtar mbi takime apo biseda të veçanta të nivelit të inteligjencës gjatë vizitës së kryeministrit Rama në Izrael.
Pamjet, megjithatë, sugjerojnë se agjenda mund të ketë përfshirë edhe tema që shkojnë përtej protokollit politik dhe diplomatik të deklaruar publikisht.
m.a. / dita
