Mjekët që asistuan në operacionin me laparoskopi për heqjen e apendisitit të kryeministrit Edi Rama kanë folur për gjendjen e tij nga Qendra Spitalore Universitare “Nënë Tereza”.
Sipas mjekëve operacioni ka shkuar mirë dhe se gjendja e kryeministrit Edi Rama është stabël.
Shefi i shërbimit të kirurgjisë në Qendrën Spitalore Universitare “Nënë Tereza”, Arben Gjata, i cili kreu dhe operacionin e kryeministrit, tha se rikuperimi do jetë i shpejtë dhe ai do mbahet në monitorim.
Prof. Arben Gjata bëri të ditur për mediat se kryeministri Rama do të mbahet 24 orë në spital, ndërsa rikuperimi i tij i plotë do të bëhet për 2 deri në 3 ditë.
“Jemi këtu më të gjithë ekipin që u mor me mjekimin e kryeministrit. Ishte një apendicit dhe pas ekzaminimeve të nevojshme në QSUT dhe u bënë ekzaminimet imazheriste, u bë operacioni me laparoskopi.
Operacioni u bë rreth orës 2 të mëngjesit, si operacion shkoi mirë, gjendja është stabël dhe pa temperaturë dhe pa probleme. Sot do filloj të ushqehet dhe brenda 24 orëve mund të lërë spitalin. Koha e rikuperimit është e shkurtrës 2-3 ditë”, tha Gjata.
Duke qenë se operacioni ndodhi në një kohë fushate elektorale, mjeku Gjata u pyet edhe nëse kryeministri do të jetë në gjendje t’i zhvillojë ato.
“Kryeministri është mirë, mund të ecë vetë që sot. Operacioni me laparoskopi të lejon të rikuperohet më shpejt. Në fushatë varet, për 2-3 ditë rikuperohet, do shihet gjendja e tij”, tha doktor Gjata.
Kryeministri Edi Rama iu nënshtrua një ndërhyrjeje kirurgjikale për heqjen e apendisitit mëngjesin e sotëm (17 prill).
p.k\dita
