Evi Kokalari ka njoftuar përmes një mesazhi në facebook se do të zyrtarizojë partinë e saj ‘Konservatorët’.
Kokalari shkruan se takimi i parë publik do të mbahet më datë 4 mars në Durrës.
Me sloganin “Shpëto Shqipërinë”, Kokalari u bën thirrje qytetarëve të jenë të pranishëm në këtë takim. “Shihemi në Durrës! 4 Mars, 16:30 – Hotel Adriatiku.
Hyrja e lirë për të gjithë”, shkruan Kokalari. Përmes partisë Konservatorët, Kokalari synon që të garojë në zgjedhjet e përgjithshme parlamentare që do të mbahen në vitin 2025.
Kokalari themeloi këtë parti pas zhgënjimit që pësoi nga Sali Berisha dhe më pas u distancua nga Partia Demokratike.
m.b./dita
