Besimtarët ortodoksë në Shqipëri festojnë sot Pashkën. “Krishti u ngjall!” “Vërtet u ngjall!” ishin thirrjet e besimtarëve të cilët pritën mesnatën për të festuar.
Fjala “pashkë” shoqërohet me “fjalën e ndritshme që simbolizon dritën që del nga varri i Krishtit”.
Pasi ndoqën meshën, për të përforcuar dritën e Pashkës, besimtarët morën me anë të llambadarëve të zbukuruara flakëzën.
Kjo dritë merret nga flaka e kandilit të pashuar të Tryezës së Shenjtë, e cila simbolizon varrin e Krishtit të ngjallur.
Pashka, për këtë komunitet të fesë shqiptare që i ka dhënë vendit figura të spikatura të rilindjes dhe progresit, simbolizon shpresën, forcimin e besimit, kalimin nga e përkohshmja në të përjetshmen dhe çlirimin e njerëzve nga mëkati.
o.p. / dita
