Kryeministria ka dërguar për dekretim te Presidenca emrat e ministrave të sapoemëruar. Megjithatë sipas gazetares së Klan News Klesiana Omeri pritet që Presidenti i Republikës Bajram Begaj t’i dekretojë kur të kthehet nga Kazakistani, atje ku ndodhet në kuadër të një vizite shtetërore me ftesë të homologut të tij.
Kujtojmë se 7 ndryshimet në kabinetin qeveritar u deklaruan publikisht nga vetë Kryeministri Edi Rama, të Hënën në mbledhjen e Asamblesë së PS-së.
Rama i besoi Ministrinë e Ekonomisë Ervin Metes, Ministrinë e Bujqësisë Anila Denajt, të Arsimit dhe Sporteve Ogerta Manastirliut, Ministrinë e Jashtme Igli Hasanit ndërsa Delina Ibrahmiajt i caktoi postin e ministres së Shtetit për Sipërmarrjen. Si ministre e Shëndetit dhe Mirëqenies Sociale u zgjodh Albana Koçiu, ndërsa ministrinë e re të Pushtetit Vendor ia caktoi Arbjan Mazniku.
o.j/dita
