Një garë shpejtësie e njoftuar më herët në rrjetet siociale, u zhvillua në periferi të Tiranës, në aksin Tiranë-Elbasan. Drejtuesit e automjeteve të markës “Benz” u ndaluan në kohë nga policia, e cila shoqëroi dhe gjobiti autorët. Kjo garë e paralajmëruar po zhvillohej në zonën e Mulletit, në periferi të kryeqytetit, për të cilën kishin bërë thirrje më herët në rrjetet sociale dhe mund të rrezikonin edhe aksidentin.
“Menjëherë pasi është vënë në dijeni, Policia Rrugore ka ndërhyrë dhe ka parandaluar zhvillimin e këtij aktiviteti të kundërligjshëm. Për këtë shkak u shoqëruan në komisariat 11 drejtues automjetesh, të cilët u gjobitën me gjoba që varionin nga 15 000 deri në 40 000 lekë të rinj, sipas neni 9, i Ligjit Nr. 8378, datë 22.07.1998, të Kodit Rrugor. Krahas masave administrative për gara shpejtësie, për tre prej tyre, u vendosën masa dhe për xhamat e zinj të errësuar”, thuhet në njoftimin zyrtar.
