Kualifikohen për në çerekfinalet e Europa League; Juventus, Feynord, Manchester United, Baseli i Taulant Xhakës dhe Fiorentina. Në sfidën ndaj Slovan Bratislavës, Baseli ia doli të kualifikohej vetëm pas goditjes së penalltive.
Koha e rregullt përfundoi me barazimin 2-2 teksa nga goditja e penalltive, zviceranët u shfaqën më të sigurt duke realizuar katër penallti me vendasit që gabuan dhe realizuan vetëm një. Pjesë e kësaj sfide ishte edhe Taulant Xhaka, me mesfushorin shqiptar që u aktivizua për 82 minuta.
Ndërkohë, Fiorentina triumfoi në Turqi ndaj Sivasspor, me shifrat 1-4. Italianët u nisën të avantazhuar në këtë sfidë pas fitores 1-0 në Artemio Franchi, megjithatë në transfertë nuk hasën në shumë vështirësi. Edhe pse në fakt e nisin keq duke pësuar të parët.
Por, më pas golat e Cabral, Milenkovic dhe një autogol bëri që italianët të mbërrijnë në çerekfinale. Në ndeshjen tjetër, Lech Poznan u kualifikua po ashtu për në çerekfinale teksa mposhti me rezultatin 0-3 në transfertë suedezët e Djurgarden. Polakët kishin fituar edhe ndeshjen e parë me shifrat 2-0.
Juventus fitoi edhe takimin e dytë ndaj Freiburg 0-2, e të njëjtën gjë bënë anglezët e Manchester United ndaj Betis, me një gol të Rashford në pjesën e dytë. Sevilla doli e gjallë nga ‘ferri’ turk, duke kaluar në turin tjetër, edhe pse u mund 1-0, pasi kishte fituar takimin e parë në Spanjë 2-0. Feyenord arriti të masakronte një nga skuadrat me në formë të lindjes dekadat e fundit, Shakhtar Donetks, me rezultatin 7-1, kurse takimi i parë kishte dalë në barazim. Pasi të presin edhe skuadrat e tjera të turit Europa League, do të hidhet dhe shorti mesditën e së premtes në Zvicër.
