Çdo qytetar mund të vaksinohet në qendrën shëndetësore, ose në pikën më të afërt të vaksinimit me dozën përforcuese me vaksinën dyvalente ndaj Covid-19, për të reduktuar mundësinë e infektimit dhe shmangien në shkallë të lartë të formave të rënda, si atë të sëmundjes, shtrimeve në spital dhe fataliteteve.
Autoritetet e Institutit të Shëndetit Publik sqarojnë se çdo person që ka kryer vaksinimin parësor, me dy ose tri doza sipas gjendjes shëndetësore, mund të kryejë edhe vaksinimin përforcues me vaksinën dyvalente “Pfizer-BioNTech”. Kjo dozë mund të kryhet 2 muaj pas dozës së dytë ose të tretë.
Sipas të dhënave të bëra publike nga dikasteri i shëndetësisë tashmë në vendin tonë janë aplikuar afro 3.1 milionë vaksina, pjesa dërrmuese e të cilave doza të para dhe të dyta. Numri i vaksinimeve të raportuara, përfshin edhe vaksinimet e qytetarëve shqiptarë të kryera jashtë vendit dhe që janë të regjistruara në sistemet tona të integruara.
p.k\dita
