Kryebashkiaku i Tiranës Erion Veliaj foli gjatë një interviste televizive këtë të enjte për gratacielat që po ndërtohen në kryeqytet. Veliaj tha se ato i duhen qytetit.
-Ka një debat që lidhet me ndërtimin e kullave të larta rreth e rrotull qendrës. Kemi xhaminë, sahatin që po rrethohen nga kulla. E dyta, ka një debat që lidhet me intensitetin e ndërtimit dhe çmimet tejet të larta të ndërtimit në Tiranë…
Erion Veliaj: T’i adresojmë me radhë. Tirana është një qytet relativisht i ri, i krijuar nga Kongresi i Lushnjes, që e transformoi. Nuk jemi Athina dhe Roma, pra nuk jemi qytet i lashtë, pra ne e kemi mundësinë të ndërtojmë në një qytet krejt të ri.
Patjetër jemi shumë krenarë edhe për historinë. Ju thatë, sahati. Kemi një sahat që tani punon me gomën e vet sa herë shkon në gjysmë ora.
-A mund të bëheshin këto kulla tek Bulevardi i Ri?
Erion Veliaj: “InterContinentali”, “GranMelia” ose “Sofiteli”, ose ndërtesa të tjera janë jashtëzakonisht cilësore. Dallohen nga rrumpahanja e viteve ’90, janë komplet tjetër gjë.
Bizneset, turizmi, aktivitetet ndodhin në qendër të Tiranës. Nuk mund t’i çojmë të huajt tek bregu i lumit dhe t’u themi se ministrisë do i kenë këtu. Eventet ndodhin në qendër. Hapja e hoteleve me 5 yje në qendër të qytetit ka sjellë një biznes të jashtëzakonshëm.
m.b./dita
