Kur një sekret jashtëmartesor rrezikon sigurinë kombëtare: Kreu i Nvidias pranon lidhjen me gruan e dyshuar si spiune kineze

Nga Orgen Peci

SAN FRANCISCO – Gjiganti botëror i teknologjisë dhe lideri absolut i çipave të inteligjencës artificiale, Nvidia, është përfshirë në një stuhi të paprecedentë pas zbulimit të një lidhjeje jashtëmartesore të drejtorit të saj ekzekutiv, Jensen Huang.

Ngjarja ka marrë përmasa të mëdha kombëtare dhe ndërkombëtare për shkak të dyshimeve se gruaja në fjalë mund të jetë e lidhur me rrjetet e inteligjencës së huaj.

​Në një letër të hapur dhe emocionale dërguar punonjësve të kompanisë, themeluesi dhe CEO i Nvidia, Jensen Huang, ka pranuar hapur se ka pasur një lidhje jashtëmartesore, duke kërkuar falje publike për familjen e tij dhe stafin drejtues.

​“Unë i kam munguar besnikërisë ndaj gruas sime. Veprimet e mia e lënduan atë dhe fëmijët tanë. Nuk ka asnjë arsyetim për atë që bëra. Jam thellësisht i penduar,” u shpreh Huang në mesazhin e tij.

Ai theksoi se merr përgjigje të plotë për zgjedhjet e tij dhe se po bashkëpunon ngushtësisht me strukturat e kompanisë.

​Hetimi i pavarur nga Bordi i Drejtorëve dhe shqetësimet e sigurisë kombëtare

Pavarësisht jetës private, çështja ka kaluar në një nivel tjetër sigurie. Sipas raporteve të mediave prestigjioze si The New York Times dhe Financial Times, lidhja e Huang dyshohet se ka ndodhur me Alice Huang, një ekzekutive kineze në një qendër të dhënash me bazë në Singapor (klient i Nvidia), e cila dyshohet nga zyrtarët e inteligjencës amerikane se ka shërbyer si kanale informacioni për shërbimet e fshehta të Pekinit.

​Në dritën e këtyre zhvillimeve, Bordi i Drejtorëve të Nvidia ka konfirmuar zyrtarisht hapjen e një hetimi të pavarur për të verifikuar nëse drejtuesi i lartë ka qenë “objekt i një përpjekjeje të inteligjencës së huaj” dhe nëse janë rrezikuar sekretet teknologjike apo të dhënat e sigurisë kombëtare.

Pozita e Nvidia dhe e ardhmja e Huang
​Nvidia luan një rol kyç në infrastrukturën e inteligjencës artificiale në SHBA dhe në botë, ndërsa çipat e saj janë subjekt i kontrolleve të rrepta të eksportit për shkak të tensioneve gjeopolitike me Kinën.

Megjithatë, përfaqësues të kompanisë kanë bërë të ditur se hetimi është në hapat e parë dhe se Jensen Huang mbetet i përkushtuar për të bashkëpunuar plotësisht me autoritetet për të mbrojtur interesat e kompanisë dhe sigurinë e Shteteve e Bashkuara.

DITA