Pandemia e Covid shtoi abuzimin me antibiotikët. Sipas mjekëve përdorimi u rrit jo vetëm në spitale, por dhe nga pacientët në shtëpi duke bërë që mikrobe të ndjeshme ndaj tyre të shfaqin rezistencë. Infeksionistët ngrenë shqetësimin se pas pak vitesh kjo do të vështirësojë trajtimin e sëmundjeve që më parë mund të kuroheshin shumë thjeshtë.
“Përdorimi i anibiotikëve sidomos vitet e fundit ka pasur një rritje jashtëzakonisht të madhe kjo është gjë e konfirumuar si nga eksperienca jonë dhe nga instat kur shikohet se nr i antibiotikëve që janë futur në Shqipëri ka trend rritje sidomos gjatë periudhës së pandemisë ku përvec përdorimit spitalor ku ka qenë me doza të larta, kemi pasur dhe një farë abuzimi te pacientë që janë tratjuar në kushte shtëpiake.”
Pandemia ka përfunduar, por ajo tregoi se gjithmonë mund të rrezikohemi nga sëmundje infektive emergjente. Ndërsa Covid është ende mes nesh mjekët i bëjnë thirrje autoriteteve të përditësojnë protokollet e mjekimit ndërsa qytetarëve ti kushtojnë vemendje rregullave të parandalimit.
“Do kemi herë pas here valë të kësaj sëmundje sic mund të rrezikohemi nga infeksione të tjera emergjente, jemi në prag të sezonit të dimrit kshu që është shumë e nevojshme që ato mësimet që nxorrëm nga rregullat e parandalimit të transemtimit, rritja e imunitetit te popullatës, vaksinimi me dozat mbështetëse sidomos për grupet në risqe të gjitha kanë mësime që duhet t’i kemi vath në vesh.”
Për të diskutuar rreth mësimeve të nxjerra nga pandemia e Covid, mjekë nga i gjithë vendi u mblodhën në konferencën kombëtare të sëmundjeve infektive që u zhvillua në Tiranë.
p.c. / dita
