Pas rreth 5 orësh debat, Kuvendi votoi dje dyfishimin e rrogave të deputetëve dhe rritjen me masën 80% të rrogave të ministrave, si pjesë e paketës për rritjen e pagave të të gjithë administratës shtetërore.
Projektligji i debatueshëm për shkak të rritjes së menjëhershme të rrogave që do të miratonin deputetët për veten e tyre, ishte planifikuar të votohej para zgjedhjeve, por u shty për shkak se në draftin fillestar të ardhur nga qeveria, ligjvënësit nuk përfitonin.
Nga tabulati i votimit të djeshëm rezulton se jo pak por 24 deputetë të Partisë Demokratike, kanë votuar pro pr.ligjit për rritjen e pagave të tyre.
Shumica e tyre janë pjesë e grupit “Alibeaj”, por pro kanë votuar edhe Agron Gjekmarkaj, Ervin Salianji e Xhelal Mziu të cilët më parë nuk janë pozicionuar në asnjë grupim.
Deputetja Jorida Tabaku, ndryshe nga shumica e grupit parlamentar të PD-së ka votuar pro ligjit në parim, ndërsa në tërësi nuk ka votuar.
Megjithëse ishin pjesë e seancës në fillim të saj, deputetët që mbështesin ish kryeministrin Berisha kanë munguar gjatë votimit dhe në tabulat rezultojnë si “jo të pranishëm”. Të njëjtën gjë kanë bërë edhe deputetët e Partisë së Lirisë.
Tre deputetë, Dashnor Sula, Bujar Leskaj dhe Petrit Doda kanë votuar kundër, ndërsa Flutura Açka dhe Elda Hoti kanë qenë në sallë në momentin e votimit, por nuk kanë votuar.
Ashtu siç paralajmëroi, Edi Rama e kishte aktivizuar kartën e tij në pajisjen elektronike ku votohet, por nuk ishte në sallë në momentin e votimit.
Deputetët e opozitës PRO
Ferdinand Xhaferraj
Ramadan Likaj
Gazmend Bardhi
Bledion Nallbati
Agron Gjekmarkaj
Xhelal Mziu
Merita Bakiu
Emilja Koliqi
Mesila Doda
Sajmir Koreshi
Kreshnik Collaku
Ervin Salianji
Eralda Bano
Seladin Jakupllari
Shpëtim Idrizi
Andia Ulliri
Jorida Tabaku (pro në parim, nuk votoi në tërësi)
Lefter Gështenja
Arbi Agalliu
Helidon Bushati
Zheni Gjergji
Erjola Pampuri
Orjela Nebiaj
Dhurata Tyli
Të pranishëm që nuk votuan
Flutura Açka
Elda Hoti
Votuan kundër
Dashnor Sula
Bujar Leskaj
Petrit Doda
