Një tjetër emër i pankinës së Superligës bie ‘viktimë’ e sezonit të dobët. Mbyllet pa sukses përvoja e dytë e Gentian Mezanit në kryetë Laçit. Trajneri vlonjat është shkarkuar nga drejtuesit e skuadrës kurbinase për shkak të rezultateve të dobëta. Kupa u mbush me humbjen e fundit 2-1 në transfertë me Kastriotin.
Në njoftimin e klubit të Laçit për shkarkimin e Mezanit shkruhet:
“KF Laçi ka vendosur të shkarkojë trajnerin Gentian Mezani për shkak të rezultateve të arritura. Në 15 ndeshje në kampionat, skuadra u mund 8 herë dhe mori një barazim, ndërsa u eliminua edhe në çerekfinale të Kupës së Shqipërisë. Klubi është i angazhuar që ekipi të rikthehet menjëherë te rezultatet pozitive.”
