Kryebashkiaku aktual i Himarës Jorgo Goro është arrestuar ditën e sotme me urdhër të Prokurorisë së Posaçme SPAK.
Ai është arrestuar në Dhërmi, nga agjentët e SPAK, sapo është ngritur nga kafja, ku po qëndronte bashkë me disa miq të tij.
Të njëjtat burime thonë se agjentët po e mbanin në monitorim.
Në pranga raportohet se ka përfunduar edhe një person i dytë jo zyrtar ndërsa tre të tjerë, zyrtarë të Bashkisë dhe Kadastrës janë vendosur në arrest shtëpie.
Arrestimet lidhen me statusin e investimit strategjik të Artan Gaçit, bashkëshortit të ish-ministres së Punëve të Jashtme Olta Xhaçka.
Sipas burimeve për media, ndaj Goros rëndojnë dyshimet për shpërdorim detyre.
Kujtojmë se Goro mbeti në detyrë si kryebashkiak i Himarës edhe pse humbi zgjedhjet e 14 majit ndaj Fredi Belerit, i cili u dënua së fundmi për shitblerje votash.
Akrualisht të dy kryebashkiakët e Himarës, edhe i zgjedhuri, edhe ai në detyrë janë në qeli, duke krijuar një situatë të paprecedentë.
b.m/dita
