Polonia, kundërshtarja e Shqipërisë më 27 mars, e nis në mënyrën më të keqe të mundshme sfidën e parë të kualifikueseve të Evropianit 2024 me Çekinë, në “Fortuna Arena” të Pragës (3-1).
Sapo kryesori vërshëlleu për nisjen e lojës, vendësit u hodhën menjëherë në sulm dhe fituan në rivënie anësore në gjysmëfushën e polakëve. Pikërisht nga kjo rivënie erdhi goli që zhbllokoi sfidën që në sekondën e 27-të (realizoi me kokë Krejci).
Sikur të mos mjaftoni ky gol shokues i sekondave të para, një gabim në fazën mbrojtëse i kushtoi rëndë Polonisë, që pësoi golin e dytë nga këmbët e Cvancaras.
Kjo sfidë rezultoi një makth i vërtetë për Lewandowskin me shokë, që u ndëshkuan për herë të tretë në minutën e 64-t (realizoi Kutcha).
Goli i Szimanskit në shtesë i vlejti vetëm për statistikë Polonisë.
Edhe Franca shkatërroi Holandën me shumë mungesa, teksa nënkampionët e nisën mbarë sezonin, me gola nga Griezman dhe Upamecano e një dopietë nga Kylian Mbape.
Kanë fituar edhe Greqia e Serbia, sikurse edhe Austria. Humbja e Polonisë është një lajm i mirë për kombëtaren shqiptare, që do ndeshet të hënën në Varshavë dhe mund të nxjerrë një rezultat pozitiv.
Rezultatet:
Bullgaria – Mali i Zi 0-1
Austria – Azerbajxhan 4-1
Çeki – Poloni 3-1
Francë – Holandë 4-0
Gibraltar – Greqi 0-3
Moldavi – Ishujt Faroe 1-1
Serbi – Lituani 2-0
Suedi – Belgjikë 0-3
a.k./ dita
