Kryetari i Partisë së Lirisë, Ilir Meta në një intervistë televizive u shpreh se me deputetin Agron Çela ka patur raporte të mira, por largimin e tij nga PL e mësoi nga mediat.
Meta tha se tre ditë para se mediat të njoftonin kalimin te PS, deputeti i Shkodrës ka qenë në mbledhjen e Kryesisë së Partisë së Lirisë. Nuk patëm një ndarje miqësore, tha Meta në A2CNN.
Por sipas Metës, ky largim nuk do ta dobësojë forcën politike që ai drejton.
“Ky është një lajm që e kemi mësuar përmes mediave. Raportet me të kanë qenë shumë të mira. 2-3 ditë para se të dilte ky lajm ka qenë në një mbledhje të Kryesisë. Këto ikje pa lajmërim apo ndarje miqësore, secili i kupton. Por ka ik një deputet që s’ka folur asnjëherë kundër qeverisë, s’ka votuar asnjëherë kundër qeverisë”, u shpreh Ilir Meta. m.b./dita
