Shqipëria luan këtë të martë ndeshjen ndaj San Marinos si pjesë e sfidave të Ligës së Kombeve. Kuqezinjtë do të përballen edhe në këtë sfidë me disa mungesa, të cilat janë konfirmuar zyrtarisht nga FSHF.
Klisman Cake vazhdon riaftësimin dhe kësisoj, nuk do të jetë në dispozicion për ndeshjen në fjalë, por sipas FSHF, do të jetë në dispozicion për duelin kundër Finlandës. Ndërkohë, nga grumbullimi është larguar portieri Simon Simoni.
Ky i fundit ishte në tribunë për ndeshjen ndaj Bjellorusisë dhe me shumë mundësi do të kishte të njëjtin fat edhe në ndeshjet në vijim. Ndaj është preferuar që ai të lejohet që të grumbullohet me Kombëtaren U21 për miqësoret që do të zhvillojë këto ditë.
j.l./ dita
