Pas rikthimit në punë nga pushimet kryeministri Edi Rama ditën e hënë ka zhvilluar takime si me anëtarët e kabinetit, gjithashtu edhe me përfaqësuesit e PS në Kuvend.
Ministrja e Shtetit për Sipërmarrjen, Delina Ibrahimaj, është parë këtë të martë duke hyrë në ambientet e Kryeministrisë, e shoqëruar nga ish-ministri i Financave, Ervin Mete. Vizita e tyre vjen në një moment kyç, pak ditë para formimit të kabinetit të ri qeveritar.
Takimi ka zgjatur vetëm 20 minuta për ish-ministrin Mete, i cili është filmuar duke dalë i vetëm nga godina e Kryeministrisë.
Pas tri javësh pushimi në vilën qeveritare në Dhërmi, kryeministri Edi Rama është rikthyer të hënën në zyrën e tij në Tiranë.
Në ditët në vijim pritet mbledhja e Asamblesë Kombëtare të Partisë Socialiste, ku Rama do të prezantojë përbërjen e kabinetit të ri qeveritar.
j.l./ dita
