Presidenti i Këshillit Evropian, Charles Michel do t’i bashkohet panelit të liderëve të rajonit në Forumit Strategjik të Bled të Sllovenisë, që mbahet në 28 dhe 29 gusht.
Ky Forum organizohet për herë të 18-të.
Gjatë ditëve që do të zhvillohet forumi, do të organizohen tre panele që do t’i referohen të ardhmes së Evropës dhe në lidhje me Partneritetin Lindor, Partneritetin Jugor dhe Ballkanin Perëndimor.
Po ashtu, në panelin për Ballkanin Perëndimor është planifikuar pjesëmarrja e të dërguarit special të BE-së për dialogun Serbisë dhe Kosovës, Miroslav Lajçak.
Gjithashtu do të mbahet edhe një takim me ministrat e Jashtëm, në ditën e dytë të forumit më 29 gusht 2023.
j.l./ dita
