Atentati me tritol ndaj kreut të PD-së në Vaun e Dejës, Benard Ndreca dhe vrasja e biznesmenit e kandidat për deputet i Partisë Social Demokrate Ardian Nikulaj. Për Bardhyl Reson këto dy ngjarje kanë një prapavijë politike. Sipas Resos, palët e opozitës, po vrasin njëri-tjetrin.
“Atentati ndaj kreut të PD-së në Vaun e Dejës ishte i paramenduar. Unë dyshoj që kjo ka një prapavijë politike. Vrasja e biznesmenit është me të vërtetë vrasje që i kalon ato caqet e një krimi politik. Personi që ndërroi jetë ishte i implikuar në ngjarje gjysmë kriminale.
Sido që të jetë nuk duhet që qëllimet dhe prapavija politike të arrijë në këto krime makabre. Është e rëndë ajo që po ndodh gjatë këtyre zgjedhjeve për pushtetin lokal. Nuk dua të vendos gisht, por fakti që kjo po ndodh nga krahu i Partisë Demokratike, them që nxitës duhet të jenë njerëz që mendojnë që Partinë Demokratike, ose koalicionin “Bashkë Fitojmë” po e cenon dhe rrezikon pala tjetër.
Ata po vrasin njëri-tjetrin. Kur të vijë puna që të justifikojnë humbjen në zgjedhje do thonë: “Po si mos humbnisin neve, ne na vranë, na sakatuan, na bënë presione, nga te gjitha format.”
Kanë filluar që tani të përgatiten për justifikimin e humbjes, sepse humbja do të vijë si rezultat jo i shkëlqimit të PS-së, ose punëve të shkëlqyera që ka bërë kjo parti në Tiranë dhe rrethe, por nga fakti se opozita në Shqipëri është pothuajse inekzistente, ne çdo anë, nga programi, nga ndarja që ka bërë. E kanë shumë të vështirë fitoren.”, u shpreh Reso.
m.b/dita
